شجاعت و شهادت حضرت امام حسین (ع)
شاه اقلیم صفا عاشق فرزانه حسین فاطمه سویگلوسی حیدره دردانه حسین
جذبه عشقی ائدن عالمی دیوانه حسین حسنی مافوق تخیل آدی بین المللی
گلمیوب خلقته واللهی حسیندن گوزلی یوخ حسینون ابدی دولتینه ذره شکست
روزگارون گوزی گورمز بله توحیدپرست نیزه دن بیر باخشی ائتدی جنان اهلینی مست
باده مرگ عسلدن دئدی شیرین مزه دی شوره توپراقدا قیزیل قانیله توپراق بزه دی
تا قدم قویدی شهادت یولینا محکم حسین ناز ائدوب نیزه اوخا منزلت عالم حسین
چرخ چارمده مسیحاده دئدی جانم حسین باب تکریمدخ وصل آختارا نام شایقوام
گرچه گوگلرده یریم واردی سنون عاشقوام دینی عالم ده حسین قانی سرافراز ائلیوب
عشق حسینون اتگیندن بئله اعجاز ائلیوب قانلی گودالی بونون یدی گوگه ناز ائلیوب
نه دئیوم من بو حسینون کرم و جاهیندن سارباندا الی بوش گئتمدی درگاهیندن
گرم و گیرا نفسی معجز عیسایه دگر مقتلی رتبه ده یوز جنت الاعلایه دگر
صودامر اصغرینون بیر توکی دنیایه دگر حشره جن گلشن عشقینده که گللر سولماز
قاپوسین حاجتیله کیم دوگه مأیوس اولماز یوخدی همپایه بشرده آقامون منصبینه
قدسیان غبطه ائدر دولتینه موکبینه مصطفی منتیله بوسه وراردی لبینه
مختصر دامنی باتسیدی اگر گوزیاشینا ملک آلنندان ئوپردی دولاناردی باشینا
سالار افلاکه محرمده حسینون سوزی های آختارون خلقتی کیمدور اولا بو عاشقه تای
گیمیشوک قاره آقام قانه باتان آیدی بو آی ایلده اون گون بیزه گوزیاشینه رضوان ساتیلار
خیمه حضرت عباسده درمان ساتیلار ای دوشن مشکله آواره قالان جان غمینه
واردی بیمارون اگر چاتمور الون مرهمینه باشوون آچ قره سین باغلا حسین پرچمینه
سائل اول دوگ قاپونی درگه احسانیده گز قومیان بجدلی والله سنی بوش قیترمز
بوشلا بیگانه نی دردین وار اگر سویله یارا بوردا عشق اهلی گرک لذت جنات آپارا
یارادوب الله حسینی بیزی اوددان قوتارا همت ایله سنی حق یاریله همدست ائلسون
ئوپ حسین پرچمینی روحووی قوی مست ائلسون عشقه ساقیدی حسین سویملی پیمانه سی وار
سؤنمین شمعیدی باخ گور نچه پروانه سی وار هاردا وار قاره علم اوردا شفاخانه سی وار
سوزومه شک ائلمز هر کیم اونا قان آغلار بو شفاخانه ده چوخ یاره نی زینب باغلار
گوهر عمرینی جاهل زر و دیناره ساتار طاعتین عارف اولان جوهره عشقه قاتار
قبرون اول گجه سینده بو حسین داده چاتار دم غنیمتدی بیراز توشه گوتور عقبایه
آل منیم نوحه می سات گوزیاشوی زهرایه عصر عاشورا بلا دهریدن آرام آلدی
کربلانون چولینه ظلم الی طوفان سالدی یوسف فاطمه قرداشسیز اوغولسیز قالدی
گیدی عشقین کفنین باخدی بیراز صاقه صولا قوجالان زینبون آلنندان ئوپوب دوشدی یولا
بئلی سنمشدی گر عباسی ئولن ساعتدن اگمدی قدینی میداندا حسین غیرتدن
نوریدی شعشعه سی طاقت آلوب ظلمتدن باشلاری هرزه علف مثلی بیچردی مولا
هر قدم باشی دییردی اوجادان یا زهرا ئوزی سرمستیدی جنگ ایلمگی باعظمت
مرکبی صاق صولا ایلردی منظم حرکت برق شمشیرینه وئرمشدی نگاری برکت
گوردیلر عاشق تنها ائله طوفان ائلیور سن دییردون کی علی خیبری ویران ائلیور
دست با غیرت و شمشیر حسینون کسری حیرته سالدی عمر سعد رذالت سیری
دوشدی فکره عوض ائتسون بو مسیر خطری سویلدی لشکرینه عرصه ده حاکمدی حسین
وئرمیون جنگه ادامه بیلوسوز کیمدی حسین صاحب تیغ دوسر صف شکنون اوغلیدی بو
سندیروب بت لاری یاهو دینون اوغلیدی بو غزوه ده مرحب و عمر ئولدره نون اوغلیدی بو
زور بازوی تواناسی بوگون اسگیلمز بو علی اوغلیدی دعواده یورولماق بیلمز
مست ائدر هر قدمه نغمه تکبیر بونی دامن فاتح خیبر ائلیوب شیر بونی
یخا مشکلدی آت اوستن یره شمشیر بونی مصلحت دور منیم امریه مون اوستونده دورون
خنجروز ایش گوره بیلمز بونا اوخ نیزه ورون قویدی دستور عمر سعدی قوشون اجرایه
تنگ اولوب دایره جنگ و جدل مولایه قالدی مشکلده توسل ائلدی زهرایه
دشمن ایستیر دئدی سالسون منی دام محنه بو قوجا شیروی میداندا دعا ایله ننه
نفس عشق مدد وئردی او فرزانه فری سندروب حلقه نیرنگ گروه کفری
صحنه جنگه توکوب پنجه سی غیرت شرری بادپا مرکبینون گوردی قراری آزالور
بیلدی حیوان نجیبون عطش آرامین آلور قیلدی بو امره گوره عاشق سرمد تدبیر
برق شمشیریله محشر یارادوب یل یل پیر ایلدی گوز ورما نهر فراتی تسخیر
مرکبین سالدی سووا راکب رزمنده عطش بویوروب ایچ بو سودان قالمیا تا سنده عطش
هر نه که ائتدی تقلا او شه عاطفه خو اسب خوش یال و فداکار امام ایچمدی سو
اولدی ناچار بیراز گوتدی سودان مظهر هو فکر ائدوب سد مهماتی بو طرزیله کئچر
گورسه ایستور سو ایچه راکبی مرکب سو ایچر نفسه یوخ شکی که عشقون سوزی غالبدی مدام
چون ئوزی ایچمدی سو مرکبیده اولمادی رام سووا اوجوندا باخاندا شه وارسته مقام
قاتدی بیر خاطره خون دله اشک ترینی اصغرون گوردی سودا قانه باتان لبلرینی
بیلمورم اهل عزانی سالاجاق سوز نه حالا دیله گلمشدی حسین تا که دییه نازلی بالا
وردیلار آغزینا بیر اوخ سویی قیتردی دالا آچمادیم بوردا سوزی سرینی درد اهلی بیلر
فاطمه بوسه وران لبلری گور نیندیلر نیلوم الله غم دلدار شرر سالدی جانا
سو سوزین یازدی قلم قلبیمی دؤندردی قانا رشته شعریمی بوردان چکیرم آیری یانا
آچدی عشقون مددی محنت دیرینه سوزین یازدیم اللهه توکل اوخیلان سینه سوزین
ساتدیلار دینی اولار که قیزیلی خوشلادیلار آز قالوردی باتا گون حمله لرین باشلادیلار
عاشق اولسون سسه گل فاطمه تک وای دئمگه جبرییل ایندی گئدور مقتله لا لای دئمگه
تا حسینون غم الی تار امیدین قیردی بیلمورم هانسی دلی آلننا بیر داش وردی
سجده گاهین گوزل آیینه کیمی سندیردی او شهون شاهد اولوب اهل سما محشرینه
آلنینون قانی دونوب زینب ئوپن گوزلرینه کیم گوروب اهل ولانون محنی اسکیلسون
دئدی من مست الستم قویون عالم بیلسون قوزادی پیرهنی قاننی گوزدن سیلسون
حرمله بیر اوخ آتوب عرشه سالوب لنگری های زلفلرین آلدی اله سسلدی زهرا بالا وای
بو سوزیکه یازورام عین خبردور دوزدی اوخ دگوب سینه سینه هر نه دامار وار اوزدی
سینه دن دگمش اوخون قانی کورکدن سوزدی چکدی بیر آه سماواته نوا سالدی حسین
سینه سیندن سوزولن قانی اله آلدی حسین وئردی تسلیم و رضا خالق حقون سوزینه
عشق الیله ئوزی بیر صحنه یاراتدی ئوزینه او قانون مختصرین یاخدی مبارک اوزینه
قالانین سپدی سمایه دئدی ای خالق جان بوردا عشقون قیزیلن من ساتانام سنده آلان
سن گواه اول بو ئورک دردینه محنت گونونه وئردیم ایثاریله من جلوه بو نهضت گونونه
قلبیمون قانینی سن ساخلا شفاعت گونونه عاشقون هر نه دی سرمایه سی دلداروندی
بیر اووج قان که نثار ائتدیم عزاداروندی مشکل عشقون یولی مرد عاشقه هموار اولدی
قوجا سرداره نفس چکمگی دشوار اولدی کوره گیندن چکه مولا اوخی ناچار اولدی
دئدی بو یاره نی من سینهده نعمت بیلورم نفسیم یوخدی دییم کل باجی زینب ئولورم
سوزه عارفسن اگر دردی اشارمدن اوخی پرده سیز دوشدی مصیبت سوزیمون قالدی چوخی
قدین اگدی یاپیشوب غیرتیله اوچ پر اوخی اوخا وئردی حرکت گوردی یاخنلاشدی اجل
کمکیم یوخدی غریبم دیدی یاندیم ننه گل سیفی ام عشق اودینا یاندیم آپاردیم بهره
ساتمارام باش قره می ثروت و ناز دهره دئمورم بنده که سیف الشعرایم شهره
هر کیمم عشق ائوینون سائل بیچاره سیم مست سودای حسین زینبون آواره سیم
دیدگاه کاربران